Grupi muzikor Blla Blla Blla këtë të premte (07.07.2017) me fillim në ora 21:00 në kafenën N’qosh në Tetovë , do të promovojnë albumin “Brum për Medioferr”.
Për dallim nga herta tjera, album i katërt i grupit muzikor Blla Blla Blla vjen në një format ndryshe ose më mire thënë në një retro format i quajtur pllakë ose më i njohur si vinyl.
Turneu promovues dëgjimor do të fillojë me datë 05.07.2017 në qytetin e Shkupit, për të vazhduar më tej edhe në qytetet tjera të Maqedonisë, Kosovës dhe Shqipërisë.
Blla Blla Blla është një grup i cili ekziston prej 29 vitesh. Ai përbëhet nga 4 pjesëtarë, Idriz Ameti (vokal), Krenar Ismaili (vokal, violinë), Arsim Iljazi (bass), Egzon Leka (bateri). Ky grup i përket zhanrit të muzikës progressive.
Më poshtë, ftesa nga grupi muzikor Blla Blla Blla.
“Në gjyqin artistik “N’qosh”, me adresë “Dimo Gavroski Kara” p.n., me fillim në ora 21:00 mbahet seanca dëgjimore e të akuzuarve Idriz Ameti dhe anëtarëve të tjerë të bandës Blla blla blla… për veprën “penale” me të cilën ngarkohen, siç është: “krijimin, daljen në dritë dhe pagëzimin e albumit të ri “Brum për medioferr”. Në atë orë ju presim si dëshmitar apo si gjyqtarë porotë për të sjell një vendim.”
