Festivali i gjarpërinjve ka tërhequr me mijëra besimtarë hindu në shtetin verior indian të Uttar Pradesh-it.
Njerëzit vërshojnë nëpër tempuj për t’u lutur e për të ofruar dhuratat e tyre gjatë festës së kremtuar përvit në ditën e pestë të dy javorëshit që paraprin hënën e plotë të muajit hindu të “Shravanit” apo musonit.
Të devotshmit lënë lule, qumësht, ose gjethe të pemës vendase të bilvës, të konsideruara si simboli mashkullor i fuqive të ripërterira të lordit “Shiva”, hyj i transformimit. Në besimin hindu, “Shiva” paraqitet me një gjarpër të rrotulluar rreth fytit. Rritësit e këtyre zvarranikëve u ulën përpara tempujve, ndërsa besimtarët janë vënë në radhë për t’i ofruar qumësht e për të kërkuar bekimin e tyre.
Këta njerëz besojnë se një personi i përmbushën dëshirat nëse i ofron gjarprit qumësht.
“Sot është dita e hyjit të gjarpërinjve, një ditë që në e njohim si “Nag Panchami”. Kjo është arsyeja përse të devotshmit i dhurojnë gjarpërinjve qumësht e gjëra të tjera.
“Ata luten që e keqja të zhduket nga jetët e tyre dhe që bekimet e zotit të gjarpërinjve t’i shoqërojnë gjithmonë”, thotë Kundan Pandey, klerik hindu.
Budizmi gjithashtu e vesh gjarprin me cilësi të larta hyjnore. Besohet se një kobra shpëtoi jetën e Budës dhe një tjetër mbrojti figurën qendrore të rrymës fetare indiane të Jainismit, Jain Tirthankara.
Në linkun/videon më poshtë mund të shihet më mirë festimi i traditave të një festivali të tillë.
