Arlind Ajeti edhe zyrtarisht është larguar nga skuadra e Torinos
Torino edhe zyrtarisht ka njoftuar se Arlind Ajeti është huazuar për një sezon në Crotone, skuadër e cila ka mundësi që ta blejë në fund.
Ajeti verën e kaluar u transferua në Torino, por dështoi të tregojë aftësitë e tij nën urdhërat e trajnerit Sinisa Mihajlovic.
“Torino njofton se ka huazuar Arlind Ajetin për një sezon në Crotone, skuadër e cila ka edhe opsionin që ta blejë në fund”, thuhet në njoftimin zyrtar të skuadrës italiane.
Lajmi po ashtu është konfirmuar edhe nga skuadra e Crotones.
