Aktori dhe regjisori shqiptar Shyqyri Caushaj tashmë ka hapur teatrin e tij privat në Turqi që quhet “Tiyatro Teras”.
Në inaugurim e pak ditëve më parë, kanë marrë pjesë shumë aktorë të njohur si Bennu Yildirimlar, Burak Tamdogan, Rana Cabbar, Cemrehan Karakas.
Përpos tyre, i pranishëm ka qenë edhe aktori dhe këngëtari shqiptar Bertan Asllani me të cilin Shyqyriu ka një miqësi të vjetër.
“Tiyatro Teras” përveçse si teatër, është edhe shkollë private e aktrimit, arteve dramatike por e veçanta është se do të jetë edhe një klasë për shqipfolësit që duan të marrin lëndën e aktrimit duke mësuar edhe turqisht me profesorët më të mirë të diksionit dhe fonetikes.
Në këtë shkollë do japin mësim shumë profesorë nga Turqia dhe Perëndimi.
\living.al
