Samsung po synon të lansojë një version të palosshëm të Galaxy Note vitin e ardhshëm, ka thënë së fundmi presidenti i Samsung Mobile, Dong Jin Koh.
Kjo nuk do të thotë një telefon i palosshëm si ‘flip phone’ që kemi përdorur më parë, por që do të përthyhet përgjysmë. Aktualisht kompania ka bërë telefona fleksibël dhe me ekran të lakuar, por jo një ekran që mund të paloset në gjysmë. Ka disa pengesa megjithatë, përfshi hardware brenda telefonit që nuk është vendosur ende.
“Si kreu i këtij biznesi, mund t’ju them se objektivi jonë aktual është vitin e ardhshëm. Nëse arrijmë të tejkalojmë disa probleme sigurisht që do të lansojmë produktin”, ka thënë Jin Koh për Bloomberg.
/ Top Channel
