Të qënit beqar për disa persona është argëtim. Ndërsa për disa të tjerë është problemi më i madh që kanë në jetën e tyre. Kur themi problem, i referohemi faktit që njerëzit që kemi rreth e rrotull gjatë gjithë kohës na pyesin “Kur do martohesh”, “Akoma se ke gjetur”, “Vajza e filanes është fejuar”.
Sikur të mos ishte për njerëzit, ndoshta të qenët single nuk do ishte kaq e vështirë. Gjithsesi, ka disa probleme që vetëm beqarët mund t’i kuptojnë. Ose edhe ata që janë të lidhur, por që me siguri kur nuk ishin në një marrëdhënie i kanë kaluar këto “halle”.
1-Dilni të argëtoheni me një çift të dashuruar, dhe e vetmja gjë që shikoni është sa shumë duhen ata.
2-Merrni ftesa në party vetëm për keqardhje, “Ta ftojmë edhe atë se është gjithmonë vetëm”.
3-Të gjithë të njohin me njerëz të rinj në mënyrë që të lidhin me çdo kusht.
4-Dëgjoni gjithmonë të njejtat fraza “Mos u mërzit, edhe ti do e gjesh partnerin tënd”, “Prit edhe pak, nuk ka ardhur ende momenti yt”.
5-Shikoni gjithandej çifte të lumtura.
6-Në festa jeni gjithmonë e ulur në mes të çifteve sepse vetëm ju jeni single.
7-Shoqëria juaj qesh me historitë që ju i tregoni për personat që keni njohur online.
8-Shokët tuaj ju thërrasin gjithmonë për kafe kur partneri/partnerja e tyre është e zënë.
9-Kur shoqja juaj zihet me të dashurin, ju thotë gjithmonë që mos të lidhesh, dhe kjo t’i pret shpresat një herë e përgjithmonë.
10-Gjithë shoqëria juaj që është në një lidhje mendon se ti po bën qejf në jetën tënde si beqare. Por në të vërtetë, ti vetëm qëndron në shtëpi gjithë kohës./class
