Fillimisht, duhet ta kemi të qartë se ky lloj vaji është i pasur me lëndë të përfitueshme, siç janë antioksidantët, vitamina E, aminoacidet linoleik, si dhe acidet yndyrore omega esenciale. Kjo, sipas estetistëve, është çelësi i ushqyerjes së lëkurës.

Do të ndihmojë në hidratimin e lëkurës super të thatë, nëse keni një të tillë. Faktorët anti-inflamator do të eleminojnë rrjepjen apo zonat e kuqe të sipërfaqes. Gjithashtu, shërben si balancues i yndyrës së prodhuar nga lëkura, duke ekuilibruar nivelet e prodhimit të sebumit.

Nuk do të bllokojë poret; përkundrazi. Do të parandalojnë shfaqjen e akneve, ashtu sikurse vitamina E do të shërojë çdo problem të kësaj natyre. Duhet ta dini që është ideali për lëkurat shumë të ndjeshme.

Është perfekti për parandalimin e plakjes, si pasojë e vetisë për reduktimin e ndikimit të lëkurës nga rrezet ultra-violetë.

Nuk do ju duhet të shpenzoni para të tepërta, pasi është i përshtatshëm për ditën dhe natën. Pse të blesh dy, kur mund ta kesh në një?!/bordo.al/