Zëdhënësja e Grupit Parlamentar të PD, Grida Duma, teksa ka folur në #DritaremeRudinën, në Vizion Plus, për kurimin e imazhit të saj, ka treguar edhe një episod me shefen e OSBE/ODHIR. Gjatë zgjedhjeve të fundit në Durrës, ajo e ka pyetur nëse e kishte përdorur të qenit grua dhe sulmin që i bëhej, për të forcuar figurën e vet.
“Në një aspekt të madh, kjo është lojë mediatike dhe lojë imazhi, për të bërë viktimën dhe nuk është pjesë e natyrës sime. Edhe ato që e gjejnë veten të përshtatur në terren, për mendimin tim dalin nga vetja. Dhe unë mendoj se nuk duhet ta bëjnë këtë”, tha Duma.
\dritare.net
