Të jesh një grua perfekte, kërkon kohë, dedikim dhe përkushtim. Të kujdesesh për bashkëshortin pa lënë pas dore veten, është shumë e rëndësishme për të ndërtuar një marrëdhënie të shëndetshme në çift. Ja disa rregulla, si të bëhesh një grua akoma dhe më e mirë për partnerin tënd.
Ta mbash shtëpinë të pastër
Pastërita e shtëpisë duhet të jetë një prioritet. Të jetë gjithçka në rregull dhe në vendin e vet, është shumë e rëndësishme për një jetesë të mirë e të lumtur në shtëpi. Kontrolloni gjithnjë nëse fëmijët kanë lënë lodrat e tyre të hedhura kudo apo nëse qeni ka kryer nevoja personale në ndonjë cep. Janë detyra të cilat duhet t’i bëni përditë dhe të mos i anashkaloni pasi mund të jenë burim për debat dhe rrjedhimsht të çojnë në prishjen e harmonisë.
Kujdesuni për gatimin
Vaktet janë pjesa më themelore e jetës në shtëpi. Për këtë arsye është e rëndësishme të gatuani, çdo ditë, drekën apo darkën në mënyra të ndryshme duke provuar shpesh herë dhe receta të reja. Pas një dite të gjatë e të lodhshme në punë, nuk ka gjë më të bukur e relaksuese se të ulesh dhe të hash gatimin që personi i zemrës ka përgatitur me dashuri për ty.
Kujdesuni për bukurinë tuaj
Kujdesi për anën tuaj të jashtme estetike, nuk duhet të lihet kurrë pas dore. Të gjeni kohën të merreni me veten dhe të dukeni sa më mirë, është diçka që partneri juaj do ta vlerësojë dhe dashurojë jashtë mase tek ju.
Jini të ëmbla
Të jeni të ëmbla dhe të dashura, është një cilësi e personave të mirë dhe është gjithnjë e pëlqyeshme dhe e këndshme të rrethohesh nga persona të tillë. Një grua arrogante dhe gjithnjë e sertë, sigurisht nuk i bën mirë asnjë mashkulli dhe asnjëri nuk do të donte ta kishte në shtëpi. Të tregoni dashuri dhe ëmbëlsi kundrejt partnerit do ta bëjë marrëdhënien tuaj të funksionojë më mirë.
Planifikoni pushimet bashkë
Për të ulur stresin e jetës së përditshme dhe për të larguar monotoninë, është e nevojshme të planifikoni pushimet e ardhshme me bashkëshortin tuaj. Ko përveçse ju afron më shumë bashkë, bën të mundur që të kaloni disa çaste vetëm në shoqërinë e njëri-tjetrit.
Kaloni kohë me fëmijët
Nëse keni fëmijë, dedikojuni kohë fëmijëve tuaj sepse është thelbësore për të qënë një nënë dhe grua e mirë. Të kaloni kohë me ta, do t’ju lumturojë juve, jetën tuaj bashkëshortore dhe sidomos fëmijët vetë. Bashkëshorti juaj do ta kuptojë vlerën tuaj, do këtë besim tek ju dhe do dijë që mund të mbështetet gjithnjë tek një nënë dhe grua e devotshme.
Eleminoni zhurmat e bezdisshme
Pjesa më e besdisshme pas një dite të lodhshme pune, janë pikërisht zhurmat e tepërta. Sigurohuni që të mos keni shumë zhurmë në shtëpi pasi bashkëshorti juaj do ta vlerësojë shumë këtë gjest. Njëkohësisht do t’ju bëjë mirë dhe ju, e do t’i falë marrëdhënies tuaj dhe asaj familjare qetësinë e nevojshme.
Të dëgjosh ka mjaft rëndësi
Të dëgjoni njëri-tjetrin ka mjaft rëndësi në një raport të shëndetshëm në çift. Duhet t’i kushtoni vëmendje argumenteve, dëshirave, ankesave të tij, por gjithashtu dhe ai tuajave. Në këtë mënyrë anashkaloni dhe debatet dhe ndërtoni dhe marrëdhënie më të ngushtë e të fortë./konica.al/
