Që nga njeriu që dërgoi email-in e parë e deri tek qenushi që pati nderin të ishte në postimin e parë fare në Instagram, ja cilët janë momentet që na sollën këtu ku jemi sot, të lumtur si 10 emoji të gëzuar resht.
Email-i i parë në botë
Në 1971-shin, Ray Tomlinson dërgoi email-in e parë në botë. Nuk ishte domethënës, as kuptimplotë, as i ndier. Ishte diçka e tipit: “qwertyuiop”.
Në fakt, ishte thjesht një test për të parë nëse do të dërgohej email-i nga njëri kompjuter tek tjetri ngjitur me të, në Cambridge, Massachusetts, dhe u dërgua përmes Arpanet-it, paraardhësi i internetit.
GIF-i i parë në
botë
Wikipedia
Ky format fantastik këtë vit mbushi 30 vjet, dhe duhet t’ia dimë për faleminderit Alexander Trevor-it, ish-drejtuesi teknik i CompuServe, i cili menaxhonte ekipin e GIF-eve. I pari GIF u dërgua në 1987-ën.
Trevor kujton se ishte imazhi i një avioni.
Sidoqoftë, GIF-et do të ishin zhdukur, po të mos ishte për Netscape, që e shtoi GIF-in në motorin e vet të kërkimit. Që atëherë, mbetet një ndër formatet e parapëlqyer të sajteve dhe në komunikimin e përditshëm.
Emoji-t e parë në botë
Emoji i parë në botë u dërgua nga japonezi Shigetaka Kurita në 1999-ën. Ai po punonte për një projekt me kompaninë telefonike Docomo, për të krijuar një mënyrë më të thjeshtë komunikimi. Kështu, Kurita u frymëzua nga mangat për të krijuar setin e parë me 176 emoji.
Profili i parë në Facebook
Ishte natyrisht i Mark Zuckerberg-ut. Ai e themeloi Facebook-un bashkë me miqtë e tij Chris Hughes, dhe Dustin Moskovitz, të cilët gjithashtu hapën profile në Facebook. I pari përdorues i Facebook-ut që nuk ishte pjesë e ekipit themelues ishte Arie Hasit, që ishte gjithashtu shok me Chris Hughes-in.
Facebook: Photo Courtesy of @ariehasit
Postimi i parë fare në Instagram
Fotoja e parë e postuar në Instagram është ajo e një qenushi. Është qenushi i Kevin Systrom-it, bashkë-themeluesit të Instagram.
Instagram-i do të hapej për publikun 3 muaj më vonë, në tetor të 2010-ës. Pra, këtë tetor Instagram-i feston plot 7 vite në jetët tona të mërzitshme!
Copyright Anabel.al
