Aurela Hoxha sapo është kthyer nga Java e modës në Milano, një nga eventet më të rëndësishme në botën e modelingut i cili bën bashkë personalitete të njohur nga e gjithë bota. Mëngjesin e sotëm Hoxha ka qenë e ftuar në “Wake Up” ku ka folur për këtë ekperiencë dhe për takimin e famshëm të saj me aktorin hollivudian Leonardo Di Caprio.
Aurela ka qenë gjithashtu e ftuar në Monte Carlo me ftesë të posaçme nga vetë princi Albert II i Monte Carlos në një mbrëmje ku u nderua Leonardo DiCaprio për veprimtaritë filantropiste dhe pro mjedisit. Moderatorët e kanë pyetur për të shuar kuriozitetin e të gjithëve se si ka qenë takimi i saj me aktorin e famshëm dhe çfarë kanë biseduar ata. Epo duket se gjërat nuk janë ashtu siç kemi menduar pasi Aurela paska bërë një gafë të madhe.
‘Unë i thashë një gjë, të cilën e di vetëm unë dhe im vëlla, sepse kisha shumë turp t’ja thosha gjithë të tjerëve, ngaqë unë bëra një lapsus. Lashë nam, por jo aq shumë duke qenë se vijoj të kem ftesa për të gjitha pritjet që ai bën!’- u shpreh duke qeshur Hoxha.
Aurela nuk e ka zbuluar bisedën por e ka thënë qartë se është mjaft e sikletshëm ta bisedojë publikisht këtë./Blitz.al/
