Mushkonjat shkaktojnë më shumë vdekje në vit se çdo kafshë/insekt tjetër në planet.
Ky insekt ka një reputacion të keq për përhapjen e sëmundjeve të ndryshme dhe një eksperiment i kohëve të fundit mund të shndërrohet në një të ashtuquajtur “luftë kundër mushkonjave”, sepse na siguron një “armë” çuditërisht revolucionare – aftësinë për të trajnuar mushkonjat.
Sipas një studimi të bërë në Universitetin e Uashingtonit, kur ju mbytni një mushkonjë që dëshiron t’ju kafshojë, kjo përvojë kërcënuese për jetën e shoqëron me aromën tuaj personale dhe ju shmang në të ardhmen. Kjo është demonstrata e parë që tregon se mushkonjat janë në gjendje të mësojnë dhe të kujtojnë.
Mushkonjat nuk kafshojnë rastësisht – disa aroma tërheqin ato më shumë se të tjerët. Në përgjithësi, era e njeriut është veçanërisht tërheqëse për ta, por kur dikush përpiqet të shtypë një mushkonjë, krijon vibrime të vogla të lëkurës që pengojnë përpjekjen e tij të kafshimit.
Në këtë studim, studiuesit krijuan këto vibrime në seanca që zgjatën 20 minuta dhe zbuluan se kur kafshimi u ndalua për shkak të tyre, insektet e shmangën atë aromë për 24 orët e ardhshme./bonzo.info/
