Yjet janë duke e sfiduar standardin e bukurisë dhe janë duke përqafuar pamjen pa grim. Mirëpo si i ndikon ky trend femrat në përgjithësi?
Studimet tregojnë se makijazhi ndryshon në mënyrë të konsiderueshme përshtypjen që e kemi për femrat. Në një studim, femrat me makijazh janë perceptuar si më të shëndetshme dhe me më vetëbesim sesa po të njejtat të paraqitura pa makijazh.
Është e qartë se këto janë arsye të mira që i bëjnë femrat të mbajnë makijazh në punë pasiqë u rritet vetëbesimi, me çka edhe rritet performanca e tyre në punë. Shumë femra ndjehen pa vetëbesim nëse nuk mbajnë makijazh.
Sidoqoftë, nuk është e qartë nëse mbajtja e makijazhit është tërësisht përfituese, një studim zbuloi se ka lidhje pozitive mes përdorimit të kozmetikës dhe ankthit, konformitetit dhe ndruajtjes. Femrat që përdorin makijazhin më rrallë, kanë vetëbesim më të lartë shoqëror, stabilitet emocional dhe vetëbesim.
Në një studim tjetër, femrat që kanë qenë të brengosura për pamjen e tyre kanë përdorur më tepër makijazh, dhe kanë besuar më tepër se makijazhi ua lehtëson interaksionet shoqërore. Është e qartë se femrat përfitojnë nga përparësitë e mbajtjes makijazh pasiqë e rrit tërheqjen, u jep më tepër vetëbesim dhe krijon përshtypje të favorshme në punë dhe në evente sociale.
Pse trendi pa grim po fiton popullaritet?
Si duket kjo pamje e re e femrës po përqafohet nga femrat që janë të rehatshme me veten dhe aparencën e tyre. Duke e përqafuar këtë trend, femrat po dërgojnë mesazhin se duan të shikohen siç janë autentike, të pranojnë se si duken pa nevojën e kamuflimit dhe përmirësimit.
Nëse jeni e intriguar se si do të dukeni pa makijazh mirëpo nuk guxoni të shkoni në punë, provoni që çdo mëngjes të qëndroni pa makijazh para pasqyrës dhe të vështroni veten. Bëjeni këtë për dy javë dhe do e shihni se do ju kthehet vetëbesimi dhe do të ndjeheni rehat me pamjen tuaj natyrale.
/Gazeta monitor/
