Tashmë shumica e skuadrave kanë publikuar listën e lojtarëve që do të mund të luajnë në Ligën e Kampionëve për sezonin 2018/19.
Në mesin e tyre është edhe lista e Interit, e cila shfaq gabime në tregun e transferimeve nga klubi zikaltër.
Lucian Spalletti në listën e 21 lojtarëve nuk ka përfshirë Joao Marion, Dalbert Henrique dhe Roberto Gagliardinin.
Dalbert në duel me Lorenzo De Silvestrin gjatë ndeshjes Inter-Torino (Foto: Getty Images )
Nëse e gjitha kjo përkthehet në vlerë financiaren i bie që Interi ka lënë jashtë lojtarë të blerë në vlerë 96 milionë euro, gjë që nuk është pak.
Mesfushori portugez, Joao Mario i kushtoi Interit 40 milionë euro nga Sporting Lisbona, kurse mbrojtësi Dalbert 28 milionë euro nga Nice.
Emri që bëri më shumë zhurmë është ai i Gagliardinit, i cili nuk pritej të lihej jashtë. Paraqitjet e mesfushorit italian që nga blerja e tij nga Atalanta për 28 milionë euro kanë qenë pozitive, por në fund Spalletti preferoi Matias Vecinon.
Interi është në Grupin B së bashku me Barcelonën, Tottenhamin dhe PSV Eindhoven. /Telegrafi/
