Dje Sonila Meço na prezantoi me vilën e saj në Dardhë të Korçës.
Moderatorja e njohur tregonte kopshtin e bukur përballë shtëpisë, i zbukuruar me lule e gjelbërim.
Kjo tërhoqi vëmendjen e mediave dhe disa madje e quajtën e “vilë luksoze” banesën e saj duke bërë që kjo gjë të mos i pëlqejë Sonilës.
Ajo ka reaguar pak orë më parë për të thënë se ajo i është kthyer fshatit e tokës, kur shumë të tjerë nuk i ndaheshin qytetit. Ky është i vetmi luks sipas Sonilës, e cila madje fton të gjithë ata që mendojnë se po bën jetë luksi, ta vizitojnë në ditën e Shën Mërisë, nesër më 16 gusht.
Ja statusi i saj i plotë:
“Për ca tituj portalesh e komente nëpër to
Nuk ka asnjë lajm tjetër në fotot prej bahçeve të Dardhës…aty ku fati e desh të rriteshin të parët e bashkëshortit tim e ku stërmbesa e tyre po për të njëjtin fat kalon pushime verore e dimërore.
Se ndonjëherë portalet, edhe pse prej dashamirësisë, me titujt e tyre nxisin komente nga më të rëndat.
Ne i jemi kthyer fshatit e tokës kur shumë të tjerë nuk i ndaheshin dot qytetit. Ky është i vetmi luks, kush kalon nga Dardha e di se si i stolisin bahçet me lule të harlisura banorët e përhershëm e të përkohshëm. Rrofshin për traditën!
Ju presim për ditën e Shën Mërisë në 16 gusht, Dardha është pasuri për këdo që shkel në të❤️”
