Shkëndija Nuk Fiton Sërish, Sulmuesit “Out”, Bejtullai Shpëton “Kuqezinjtë” Nga Disfata (VIDEO)

Shkëndija Nuk Fiton Sërish, Sulmuesit “Out”, Bejtullai Shpëton “Kuqezinjtë” Nga Disfata (VIDEO)

Skuadra kampione e Shkëndijës edhe në ndeshjen e tretë të sezonit të ri nuk ka arritur që të fitojë, shkruan “infOSport.mk”. Skuadra e Qatip Osmanit në ndeshjen e saj të parë në Tetovë gjatë këtij edicioni, barazoi 1:1 ndaj Makedonija GJ.P., skuadër kjo e cila e para kishte kaluar në epërsi falë golit të brazilianit Padu në minutën e 38-të.

Ky gol edhe njëherë tjetër dëshmoi formën jo të mirë të futbollistëve të Shkëndijës, të cilët duheshe të reagojnë shumë më ndryshe, e në veçanti mbrojtësi Çeshmexhiev.

Këtij goli të mysafirëve nga Shkupi, iu kundërpërgjigjë shumë shpejtë mbrojtësi Egzon Bejtullai, i cili me kokë shënoi në rrjetën e Jovanovskit.

Pjesa e dytë nuk dhuroi asnjë gol, edhe pse dëshira e futbollistëve vendas ishte shumë e madhe për të arritur deri tek tre pikëshi, mirëpo kur sulmuesit nuk janë në formën e tyre më të mirë, atëherë është e vështirë të konsiderosh në pikë. Besarti tentoi gjatë pjesës së parë, ndërsa Agimi në të dytën, mirëpo as njëri, e as tjetri nuk arritën të gëzojnë tifozët e tyre, njëjtë sikurse edhe pjesa tjetër e skuadrës.

Leave a Reply

Your email address will not be published. Required fields are marked *