Mërgim Vojvoda i është përgjigjur kapitenit të Kombëtares së Çekisë, Marek Suchy.
Mbrojtësi Suchy duke folur për Kosovën, kishte thënë se kanë një ekip të mirë, me sulm të shkëlqyeshëm dhe mbrojtje të sofistikuar, por ka shtuar se nëse atë e ekip e ‘helmon’, ata e humbasin kokën.
Rreth kësaj deklarate, është pyetur Mërgim Vojvoda në konferencën e fundit për shtyp, para ndeshjes me Çekinë.
“Së pari le të mundohen të shënojnë gol, dhe pastaj e shohin si do të reagojmë”, ka deklaruar Vojvoda, përcjell lajmi.net.
“Nuk është si ka thënë ai, këtë e kemi dëshmuar, kemi pranuar gola, por pastaj kemi shënuar dhe kemi fituar”./Lajmi.net/
