“Kujdes ku parkohesh në Tetovë!“
Një nga problemet më të zakonshme me të cilat përballen qytetarët e Tetovës është kaosi i trafikut.
Edhe përkundër fillimit të implementimit të parkimit zonal, është vështirë të gjesh hapësira të lirë për parkim.
Andaj, çdokush parkon kudo që mundet. Nga njëra anë, komuna nuk siguron hapësirë të mjaftueshme për parkim, dhe nga ana tjetër, nëse shoferët parkojnë gabimisht, ata ndëshkohen menjëherë.
Në dy bulevardet kryesore në Tetovë, “Ilirija” dhe “Ilindeni”, trafiku zhvillohet në gjysmën e korsisë për shkak të furgonave të parkuar, taksive dhe automjeteve të tjera, gjë që bën që bllokimi i trafikut në këto
rrugë të rritet.
Përveç mungesës së parkingjeve, një problem i rëndësishëm për këtë situatë është neglizhenca e disa shoferëve, të cilët, për shembull, parkojnë me vite në zonën e këmbësorëve në shesh.
Policia e trafikut nuk ndërmerr veprime për automjetet e parkuara gabimisht në trotuare ose automjete të parkuara në të dy korsitë. Prandaj, rolin e tyre e morën përsipër një grup aktivistësh nga Tetova të cilët vendosën “bileta dënimi” në automjete të parkuara keq, në mënyrë që të rrisin vetëdijen e shoferëve dhe me një apel për t’i kushtuar vëmendje sigurisë së qytetarëve dhe këmbësorëve, hapësirat e të cilëve uzurpohen nga automjete të parkuara në mënyrë të paligjshme.
Përveç paralajmërimeve, aktivistët vendosën lavdërime për ato automjete që ishin parkuar siç duhet në mënyrë që të mbështesnin dhe theksonin shoferët e ndërgjegjshëm.
Nëse jeni në Tetovë, kini kujdes se ku parkoni, grupi i aktivistëve po ju ndjek dhe ju “ndëshkon”.
Aksioni është përgatitur pa kontakt direkt të anëtarëve të grupit, respektivisht është përgatitur me etapa nga ana e më tepër anëtarëve.
Aksioni “Kujdes ku parkohesh në Tetovë!“ është i financuar nga Fondacioni Shoqëri e Hapur- Maqedoni.
