Në seancën e sotme të 22-të pritet të bëhet zgjedhja e dy nënkryetarëve të Kuvendit me propozimin e shumicës qeverisëse.
Propozimet, sipas informacioneve nga Kuvendi, janë Fadil Zendeli nga Besa dhe Goran Misovski nga PRSD, i cili edhe në përbërjen e mëparshme parlamentare ishte në këtë pozitë, shkruan tv21.
VMRO-DPMNE në opozitë nuk do të propozojë nënkryetar të Kuvendit, ndërsa deri më tani nuk ka propozim as nga Aleanca e Shqiptarëve dhe Alternativa.
VMRO-DPMNE tregon se ata nuk do të votojnë për propozimet për nënkryetarë të Kuvendit.
