Kufijtë e SHBA-së me Kanadanë dhe Meksikën mbeten të mbyllur të paktën edhe për një muaj

Kufijtë e SHBA-së me Kanadanë dhe Meksikën mbeten të mbyllur të paktën edhe për një muaj

Kufijtë e Shteteve të Bashkuara me Kanadanë dhe Meksikën do të mbeten të mbyllura për udhëtime jo esenciale deri më 21 korrik, ka njoftuar Departamenti amerikan për Siguri Kombëtare.

Zgjatja prej 30 ditësh ka pasuar pasi që Kanadaja të premten njoftoi se ka paralajmëruar zgjatjen që do të duhej të skadonte të hënën, dhe që ishte në fuqi nga marsi i vitit të kaluar si rezultat i pandemisë së coronavirusit, transmeton Telegrafi.

Nën anën tjetër, qeveria amerikane javën e kaluar ka mbajtur takim me grupet punuese të Kanadasë dhe Meksikës, për t’u koordinuar për veprimet e mëtutjeshme.

Departamenti për Siguri Kombëtare në SHBA, ka njoftuar se ka vërejtur ngjarje pozitive javëve të fundit dhe se është koordinuar me agjencitë tjera amerikane dhe grupet punuese nga Shtëpia e Bardhë, Kanadaja dhe Meksika – për të përcaktuar kushtet me të cilat do të mund të zbuteshin masat e sigurisë. /Telegrafi/

Leave a Reply

Your email address will not be published. Required fields are marked *