Rrufeja e lë të vdekur një 25-vjeçar nga Pallçishti i Tetovës

Rrufeja e lë të vdekur një 25-vjeçar nga Pallçishti i Tetovës

Vetëtima e ka lënë të vdekur një 25-vjeçar nga Pallçishti i Poshtëm në Tetovë. Fatkeqësia ka ndodhur gjatë kohës kur ai ka qenë duke kullotur një tufë delesh.

Siç thonë nga SPB Tetovë, trupi i pajetë i tij është gjetur nga një blegtor tjetër, që ka qenë në afërsi.

“Dje në ora 19:25 në SPB Tetovë është raportuar se në vendin e quajtur Karabunar, në fshatin Urviç të Tetovës, është gjetur trupi i pajetë i një 25-vjeçari banor i Pallçishtit të Poshtëm, me inicialet E.O, i cili ka vdekur nga goditja e rrufesë”.

“25-vjeçari nga shtëpia ka dalë rreth orës 11:00, ndërsa pas një periudhe nuk ju është përgjigjur thirrjeve telefonike. Vdekjen e ka konstatuar mjek i mjekësisë ligjore, ndërsa trupi i tij, pas urdhërit të prokurorit publik, i është dorëzuar familjes”, thonë nga Policia e Tetovës./Telegrafi/

Ndryshe, dje rrufeja lëndoi pesë persona të tjerë në qytetin e Ohrit, të cilët kanë qenë në plazh.

Leave a Reply

Your email address will not be published. Required fields are marked *