Dua Lipa interviston kryetarin e bashkisë së Prishtinës

Dua Lipa interviston kryetarin e bashkisë së Prishtinës

Këngëtarja shqiptare me famë botërorë Dua Lipa dhe babai i saj, Dukagjin Lipa kanë zhvilluar një bisedë online me kryetarin e bashkisë së Prishtinës Shpend Ahmeti.

Këngëtarja kosovare ka lexuar edhe pyetjet e qytetarëve për kryetarin e bashkisë.

Dua Lipa është shprehur falënderuese për punën që ai ka bërë në Prishtinë dhe se në këtë periudhë të gjithë duhet të japim frymë pozitive. “Unë dhe babai im kemi shprehur dëshirën për të bërë restaurimin e “Amfiteatrit të Prishtinës” nëpërmjet festivalit “Sunny Hill”. Shumë evente që ndodhin në Prishtinë mund të bëhen aty dhe amfiteatri të jetë i të gjithë qytetarëve. Ai sot nuk po përdoret për asgjë dhe në momentin që ai rregullohet do të hyjë shumë në punë edhe nga fakti që ndodhet në qendër të qytetit”, shprehet Dua.

Temë diskutimi ka qenë edhe festivali “Sunny Hill” ku u tha se për momentin akoma nuk dihet se çfarë do ndodhë me të.

“Këtë vit kemi dashur që të lëvizim festivalin dhe ideja ka qenë që Gërmia është bërë e vogël për festival dhe çdo vit e kemi pasur këtë diskutim a të mbahet në Gërmia apo jo. Kemi menduar që festivalin “Sunny Hill” ta zhvendosim në një hapësirë më të madhe. Ajo do të bëhet në afërsi të Bërnicës”, u shpreh Ahmeti.

Kjo sipas tij është zgjedhja ideale pasi mund të kthehet në “Festival Venue” dhe “Concert Venue” që do të përdoret vetëm në raste koncertesh.

Po ashtu Dukagjin Lipa theksoi se ata veçse e kanë bërë një kërkesë në Komunën e Prishtinës dhe kanë përgatitur një plan se si do të duket vendi ku do të mbahen festivalet.
Ndërsa sa i përket organizimit dhe planifikimit për vitin 2020, Dukagjin Lipa tha se janë duke pritur për një vendim nga Komuna e Prishtinës, dhe janë të gMEDIALëm t’i respektojnë rregullat pasi nuk dëshirojnë të rrezikojnë popullin. /a.a/

Comments

comments

Leave a Reply

Your email address will not be published. Required fields are marked *