Kosovë: 16 mësimdhënës dhe 15 nxënës të infektuar me COVID-19 në Gjilan

Kosovë: 16 mësimdhënës dhe 15 nxënës të infektuar me COVID-19 në Gjilan

Në shkollat publike të Gjilanit aktualisht janë 35 raste, prej tyre 16 mësimdhënës, 15 nxënës, 1 punonjës i administratës së shkollave dhe 3 punëtorë teknikë.

Lajmin e ka bërë të ditur kryetari i Gjilanit, Lutfi Haziri, pas takimit me Komitetin e Emergjencave Civile për parandalimin e përhapjes së Covid-19.

“Gjendja e tyre është pa simptoma të mëdha dhe në shtëpitë e tyre. Apeloj që t’i bartni maskat, t’i pastroni duart dhe ta ruani distancën mes vete. Jemi në sezonin e vjeshtës me pritje të frikshme, por me besim të madh që do ta menaxhojmë drejt. Kemi nevojë për lojalitet dhe soalidaritet”, ka thënë Haziri, në konferencën për media të mërkurën.

Ai ka njoftuar se në Gjilan, brenda 8 muajve janë realizuar 4678 testime për COVID-19, 1308 janë të infektuar në total, 1053 të shëruar, 48 vdekur, 207 raste aktive, të cilat po monitorohen 24 orë shtatë ditë, 13 të hospitalizuar dhe mostra në pritje për rezultat janë 137.

Ai ka apeluar qytetarët që mos shkojnë në Qendrën Rajonale të Shëndetit Publik për testim, pa simptoma dhe pa udhëzim të mjekut.

Haziri ka njoftuar në fund se deri në fund të muajit nëntor, rajoni do ta ketë edhe laboratorin për testim me metodën PCR.

/SYRI.net/

Comments

comments

Leave a Reply

Your email address will not be published. Required fields are marked *