Të jap ngrohtësi shpirtërore, fama ime më e madhe. Violinisti me renome botërore Tonin Xhanxhafili në intervistë ekskluzive

Të jap ngrohtësi shpirtërore, fama ime më e madhe. Violinisti me renome botërore Tonin Xhanxhafili në intervistë ekskluzive

Artisti shqiptar Tonin Xhanxhafili shquhet për mjeshtërinë e tij në violinë, një muzikant që jeton dhe vepron në Itali. Po ashtu, është ideor dhe kreator i Ansamblit Shqiponja në Romë, që synon ruajtjen dhe promovimin e traditës shqipare kulturo-muzikore. Në vitin 2018 është dekoruar me çmimin prestigjoz ndërkombëtar për karrierë në muzikë nga AEREC- Akademia Europiane për Marrëdhëniet Ekonomike dhe Kulturore si dhe fitues i çmimit “Ekselenca italiane” për vitin 2020.

1. Çfarë është muzika (gjithmonë sipas jush)?

Muzika është ushqimi i shpirtit. Ka lndur dhe egziston që nga hapat e parë të zhvillimit të njeriut dhe zë një vend shumë të rëndësishëm në jetën tonë të përditshme. Imagjinojë sikur të mungonte muzika tek filmat, televizori, radio….asgjë nuk mund të zëvendesojë emocionin e saj. Filozofi gjerman Federik Nietzshe është shprehur: “pa muzike jeta s”do kishte kuptim“.

2. Përse Italia?

Italia është vendi i afërt mikpritës më i hershëm i popullit shqiptar që nga emigrimet e arbëreshëve. Një turne i gjatë koncertesh në shumë qytete të Italisë në vitin 1995 më bëri të afrohem shumë me këtë vend që për mua u bë si vendlindja e dytë.

3. Sfidat më të mëdha gjatë rrugëtimit tuaj?

Sukseset dhe vështirësitë shoqërojnë gjithë jetën e artistit. Unë skenën, koncertet nuk i kam konsideruar kurrë garë sportive. Piksynimi im gjithmonë ka qenë me e kënaq publikun me muzikën time, spektatorin i cili është njohësi më i mirë vlerave të artistit. Nuk i konsideroj sfida por arritje dhe vlera mundësitë që më janë krijuar për të dhënë koncerte në vende prestigjioze në Itali si në presidencë, parlament, RAI,  Vatikan, por dhe në shtete të tjera jashtë Italisë. Po kështu, ndjehem krenar edhe për vlerësimet:  në qershor të vitit 2018 u dekorova me çmimin ndërkombëtar për karrierën në muzikë që më është dhënë nga Akademia Europiane AEREC-Akademia Europiane për Marrëdhëniet Ekonomike dhe Kulturore.; në shtator të 2020 fitova çmimin “Ekselenca italiane” nga Projekti Italian.

Image may contain: 2 people, including Tonin Xhanxhafili

4. Pasi jeni ideori dhe formuesi i Asamblesë Shqiponja të Romës, si erdhët deri te kjo ide dhe si funksionon kjo?

Ansambli shqiponja lindi nga ideja ime për të pasqyruar muzikën folklorike, veshjen e instrumetet tradicionale si: çiftelia e lahuta.  Ansambli u zgjerua dhe u pasurua me shumë elemente folklorike, edhe të vendeve të tjera duke marrë fizionominë e një ansambli multietnik. 

5. Ku qëndron e veçanta e të qenurit i njohur?

Nuk kam menduar kurrë me u bërë i njohur, më duket vetja gjithmonë që jam i barabartë me të tjerët që kam kolegë e miq. Mund të sqaroj me një shembull tim personal. Përveç koncerteve, në sfera të larta kam shkuar të jap koncerte bamirësie në qendrat e të moshuarve, spitalet e fëmijëve duke u nis gjithmonë nga dëshira me i dhënë një ngrohtësi shpirtërore njerëzve me tingujt e muzikës time. Kjo është për mua fama më e madhe që më gëzon.

6. Cilat janë këshillat që ia jepni më shpesh familjarëve tuaj?

Çdo gjë ta bëni në kohën e vet dhe vlerën e vet dhe me efikasitet.

7. Çfarë do të kishit bërë ndryshe nëse do e fillonit tani karrierën ?

Atë profesion që do të ishte i mundshëm për kushtet që më rrethonin, natyrisht edhe që të më pëlqente.

Image may contain: 1 person

8. Si ka ndikuar pandemia te ju, dhe si e përshkruani atë me pak fjalë?

Pandemia do ndryshojë sjelljen dhe menyrën e gjithë njerëzimit, rregullat e jetës do të kenë ndryshim të madh në mijë vjeçarin e tretë të historisë. Ndikimi i saj tek unë më dha një shtyrje për të zgjeruar numrin e leksioneve me kompjuter. 

9. Porosia që do jua jepnit të rinjve të sodit?

Sa më shumë arsim, kulturë e të aftë të gjejnë rrugën e jetës.

Comments

comments

Leave a Reply

Your email address will not be published. Required fields are marked *