Robert Irwin – Trashëgimtari i guximit, dhembshurisë dhe dashurisë për natyrën!
Nëse emri Irwin ju tingëllon i njohur, kjo ndodh sepse babai i tij, Steve Irwin, i njohur si “Crocodile Hunter”, ishte një nga figurat më ikonike në botën e dokumentarëve dhe mbrojtjes së kafshëve. Sot, trashëgimia e tij po vazhdon me po aq pasion dhe përkushtim nga djali i tij, Robert Irwin.
Që në moshë shumë të vogël, Robert është rritur mes kafshëve të egra, në natyrë dhe përreth njerëzve që jetojnë për t’i mbrojtur ato. Ai është rritur në Australia Zoo, ku tani jo vetëm që punon çdo ditë për mirëqenien e kafshëve, por është bërë një edukator i mrekullueshëm për brezat e rinj 
.
Robert është më shumë se një trashëgimtar, ai është një aktivist i zëshëm, një zë për natyrën që shpesh nuk dëgjohet.
“Mesazhi im është i thjeshtë: Dua të frymëzoj brezin tim që të kuptojë urgjencën për veprim mjedisor dhe fuqinë që kemi për të sjellë ndryshim për planetin. Shpresoj që historia e fondacionit tonë, Wildlife Warriors, të mund t’ju frymëzojë të bëni një ndryshim. E di që duket si një betejë e vështirë, por është një betejë që mund ta fitojmë, nëse punojmë së bashku.” 
Në një botë ku shpesh ndjeshmëria ndaj kafshëve dhe natyrës neglizhohet, Robert Irwin na kujton se dashuria për tokën dhe gjallesat e saj është një vlerë që duhet të kultivojmë dhe të transmetojmë.
https://www.instagram.com/p/DJ3Rsv2xVOg/?hl=en
#RobertIrwin#wildlifewarriors#australiazoo#mbrojtjaekafshëve